DILI, 12 Maiu 2025 ( TATOLI)–Pároku Parókia Sagrado Conceição Bekora, Pe. Domingos Maubere, daudaun ne’e hala’o hela tratamentu iha Hospital Nacional Guido Valadares (HNGV) ho kondisaun grave.
”Padre Domingos Maubere mai halo tratamentu iha Intesive Care Unit (ICU) HNGV iha loron 08 Maiu no agora loron haat ona iha-ne’e ho kondisaun krítika tebes no tama iha faze terminadu, husi moras komplikadu ne’ebé mak Padre iha,”Diretór Servisu Apoiu Diagnóstiku no Terapéutiku HNGV, Vidal Lopes, hateten ba jornalista sira iha HNGV, segunda ne’e.
Nia dehan, médiku sira iha HNGV daudaun nee halo de’it ona kuidadu paliativu, la bele halo buat ida.
”Agora daudaun uza hela mákina ventiladór, tanba Amu nia moras iha faze terminanasaun,” nia relata.
Lopes haktuir, Padre Domingos antes ne’e transfereridu bá Ospitál Malázia durante dala haat ho otimu liu, maibé moras ne’e tama ona faze terminadu, tan ne’e Ospitál Malázia haruka filafali Padre Domingos mai Timor hodi halo tratamentu kategoria paliativu de’it.
Amu Domingos Maubere husi Munisípiu Ermera, ho idade 73.
Tuir observasaun husi ornalista TATOLI iha HNGV katak sarani sira hamutuk ho família halo orasaun iha arrredór ICU nian.
Jornalista: Felicidade Ximenes
Efitór: Xisto Freitas da Piedade
