Juñu, MKI loke konkursu ba konstrusaun merkadu tolu iha munisípiu 

DILI, 15 Maiu 2025 (TATOLI)—Vise-Ministru Komérsiu no Indústria, Augusto Junior Trindade , hateten iha fulan-Juñu tinan ne’e, Ministériu Komérsiu no Indústria (MKI) sei loke konkursu ba konstrusaun merkadu tolu iha Lautein, Baukau no Ermera.

“Ita hatene katak prosesu sira-ne’e la’o hela iha Komisaun Nasionál Aprovizionamentu (CNA-sigla portugés) hodi hein loke konkursu. Loron 19 Juñu sei loke konkursu ba konstrusaun merkadu referidu,” Augusto Junior dehan ba jornalista sira, iha Timor Plaza, kinta ne’e.

Konstrusaun ba merkadu tolu ne’e nia orsamentu hamutuk $26.882.067. Husi ne’e, Munisípiu Lautein ho orsamentu hamutuk $8.446.724, Baukau $8.695.562 no Ermera  $9.739.781.

Jornalista: Felicidade Ximenes

Editór: Xisto Freitas da Piedade