KOVALIMA, 21 Maiu TATOLI (2025) – Sekretáriu Estadu Formasaun Profesionál no Empregu (SEFOPE), Munisípiu Kovalima, rejista kazu laborál haat.
Diretór SEFOPE Kovalima, Stefanus Segundu Manek informa, SEFOPE rejista kazu laborál bazeia simu keixa husi traballadór sira tanba ne’e molok atu halo mediasaun bolu traballadór ho empreza, bainhira la partisipa iha mediasaun sei submete karta ba sira.
“SEFOPE rejista kazu laborál haat ne’ebé mak ami rezolve liuhusi prosesu mediasaun traballadór ho empreza sira bazeia ba traballadór hato’o keixa ho tipu kazu oioin”, Diretòr SEFOPE Kovalima, Stefanus Segundu Manek relata dadus ne’e ba TATOLI, iha Tabakolot, ohin.
Hafoin simu keixa, SEFOPE bolu traballadór ho empraza atu halo mediasaun hodi buka solusaun ba kazu empreza sira ne’ebé mak la selu traballadór sira-nia saláriu.
Prosesu halo mediasaun depende tanba ba dahuluk bolu traballadór ho empreza bainhira la mai sei submete karta bainhira prosesu mediasaun SEFOPE Kovalima la hetan nia solusaun submete ba iha arbitrajen hodi halo mediasaun.
“Ita prosesu mediasaun entre traballadór ho empreza prontu atu selu traballadór sira-nia saláriu ita bolu sira atu asina”, nia informa.
Kazu laborál haat ne’ebé mak SEFOPE rejista ho tipu sira mak hanesan la selu traballadór nia saláriu ba traballadór ne’ebé halo konstrusaun uma privadu no kazu kona-ba empreza Pax sei iha prosesu halo mediasaun
Kazu laborál haat ne’ebé mak SEFOPE rejista nia prosesu halo mediasaun tolu konsege rezolve ona iha munisípiu no kazu ida mak kontinua sei iha prosesu halo mediasaun hodi buka nia solusaun.
Jornalista:Celestina Teles
Editór: Rafael Ximenes de A. Belo
