KUALA LUMPUR, 26 Maiu 2025 (TATOLI)- Iha anúnsiu importante ida iha Simeira ASEAN ba dala 46 ne’ebé hala’o iha Kuala Lumpur, Primeiru-Ministru Malázia nian, Dato’ Seri Anwar Ibrahim, ofisialmente deklara katak Timor-Leste sei hetan adezaun tomak iha Simeira ASEAN ba da-47 ne’ebé sei realiza iha fulan-Outubru, iha Kuala Lumpur.
Primeiru-Ministru hato’o nia apresiasaun, gratidaun, no rekoñesimentu kle’an liu ba parte hotu-hotu, tantu iha ASEAN nia laran no liután, ne’ebé maka kontribui maka’as ba marku signifikativu ida-ne’e.
Nia elojia dedikasaun, kooperasaun no kompromisu metin ba solidariedade no inkluzividade rejionál.
“Ida ne’e marka momentu istóriku ida la’ós de’it ba Timor-Leste, maibé ba família ASEAN tomak.Viajen Timor-Leste nian ba adezaun tomak reflete ita-nia vizaun koletiva ba ASEAN ida-ne’ebé unidu, koezivu, no haree ba oin,” Primeiru-Ministru Anwar, fó-sai adezaun ne’e iha Kuala Lumpur, segunda ne’e.
Notísia relevante: PM Xanana viajen bá Malázia hodi partisipa Simeira ASEAN ba dala-46
TATOLI
