DILI, 30 Maiu 2025 (TATOLI)—Membru Kámara Komérsiu, Indústria Timor-Leste (CCI-TL-sigla ingleza), Embaixadór Thailándia iha Timor-Leste no emprezáriu na’in-sia husi Tailándia, diskute loke investimentu iha Timor-Leste (TL).
“Ohin ami diskute atu loke investimentu iha ita-nia rai no mós apoiu setór privadu sira iha Timor-Leste,” Vise Prezidente CCI-TL, Hergia Fernandes Alves, hateten ba jornalista sira, iha edifísiu CCI-TL, Akait, Dili, sesta ne’e.
Nia dehan, iha diskusaun ne’e sira prefere loke investimentu iha área agrikultura, peska inklui indústria.
Hergia informa katak investimentu hanesan baze fundamentál tama Nasaun Sudeste Aziátiku (ASEAN-sigla ingleza).
“Ohin to’o iha konkluzaun katak preparasaun investimentu ne’e parte husi adezaun ba ASEAN. Tempu to’o ona loke odamatan ba investimentu estranjeiru,” nia subliña.
Jornalista: Felicidade Ximenes
Editór: Xisto Freitas da Piedade
