Autoridade Karaubalu-KPK kontinua sobu baraka sira iha estrada ninin
VIKEKE, 05 Juñu 2025 (TATOLI)-Autoridade suku Karaubalu, postu Vikeke Vila, munisípiu Vikeke hamutuk ho Konsellu Polísiamentu Komunitária (KPK), kinta ne’e, kontinua sobu baraka sira-ne’ebé negosiante sira uza hodi faan produtu lokál ne’ebé besik iha estrada ninia, hodi muda negosiante sira bá merkadu antiga Vikeke Vila.
Xefe suku Karaubau, João Pinto, haktuir muda ona negosiante balun bá ona merkadu tuan, maibé negosiante balun sei kontinua faan sasán iha baraka sira iha estrada ninin, nune’e autoridade ho KPK akompaña Polísia Nasionál Timor Leste (PNTL) eskuadra Vikeke Vila, hodi sobu baraka sira-ne’ebé besik estrada ninin.
“Antes ne’e, ita muda ona negosiante balun ba ona iha merkadu tuan maibé kondisaun fatin mak ladun moos. Entaun, ita-nia negosiante balun sei kontinua faan produtu lokál iha baraka okos, ne’ebé besik iha estrada ninin sira,” João Pinto ba Agência Tatoli, iha merkadu antiga Vikeke Vila, ohin.
Nune’e nia dehan, iha loron 15 fulan-Jullu Funsaun Públik (FP) sei selebra loron FP iha munisípiu Vikeke, entaun presiza hadi’a Vikeke sai mós make ma husi munisípiu seluk mai vizita Vikeke.
“Tanba ne’e, ita-nia inisiativa hamutuk ho membru KPK no akompaña PNTL, hodi muda negosiante sira-ne’ebé faan produtu lokál sira. Ita-nia negosiante sira koopera ho ami hodi muda ba merkadu tuan laran”, nis dubliña.
Nune’e nia dehan, autoridade lokál, KPK no negosiante sira halo ona limpeza iha merkadu laran, maibé suku laiha transporte karreta hodi tula lixu sira-ne’e rekolla ona iha merkadu laran, atu fó espasu ba nesgosiante sira hala’o sira-nia negosiu.
“Ita husu apoiu ba parte munisípiu Vikeke hodi apoiu tranporta tula lixu sira iha merkadu laran, maibé to’o agora karreta seidauk mai tula lixu”. Nia relasa.
Iha fatin hanesan reprezenta negoiante, Aposto Tezeira da Silva, haktuir, nu’udar vendedór koopera ho suku Karaubalu hodi limpeza moos lixu sira iha merkadu tuan laran, atu negosiante sira bele uza hodi faan sira nian produtu lokál hodi sustenta ba nesesidade loron nian.
“Ami koopera ho autoridade suku Karaubalu, atu ami hotu-hotu faan produtu lokál iha merkadu laran, mak buka ami-nia moris. Maibé, kondisaun mak ladun di’ak nune’e ami husu ba parte relevante sira tau matan baa mi hodi kria kondisaun iha merkadu laran”. Nia hato’o.
Tuir observasaun Jornalista Tatoli notak katak atuál ih merkadu antiga Vikeke Vila negosiante kuaze na’in-10 resin komesan nahe plantik iha rai mak faan sira nia produtu lokál sira hanesan modo tahan, brinjela, ai-manas, batar, ai-farina no seluk tán. Enkauntu, barak sira-ne’ebéiha dalan ninia autoridade suku Karaubalu, KPK no negoasiante sira hamutuk muda negosiante sira sasán ba merkadu antiga.
Iha sobu barak no muda negosiane sira-nia produtu situasaun la’o hakmatek tanba negosiante sira kolabora ho parte autoridade lokál.
Tuir dadús negosiante ne’ebé muda bá merkadu antiga Vikeke Vila totál hamutuk 40, ne’ebé balu hahú faan iha merkadu laran.
Sobu Baraka ne’e lidera direta husi xefe suku Karaubalu, KPK no negosiante ne’ebé faan iha dalan ninin no muda sasán bá merkadu antigaVikeke Vila.
Jornalista: Vitorino Lopes da Costa
Editór : Cancio Ximenes
