Tribunál aplika Prizaun Preventiva ba arguidu na’in-rua envolve krime tráfiku umanu

DILI, 07 Juñu 2025 (TATOLI)- Tribunál Judisiál Primera Instánsia Dili (TJID) liuhusi Juiza Ana Paula Fonseca, hatún depaisu hodi aplika medida koasaun Prizaun Preventiva ba iha arguida ho inisiál NS no arguidu ho IFPS ne’ebé envolve krime tráfiku umanu.
Liuhusi prosesu interrogatóriu dahuluk iha sábadu (07/06) ohin, iha sala julgamentu Ministériu Públiku ne’ebé reprezenta husi Prokuradora Lídia Soares, promove ho krime tráfiku umanu ne’ebé previstu iha Kódigu Penál Timor-Leste.
Iha alegasaun Prokuradora Lídia Soares husu Tribunál atu aplika medida Prizaun Preventiva.
Entretantu, Defensór Públiku Estaquio Guterres husu Tribunál atu aplika medida Aprezentasaun Periódika ka Termu Indentidade Rezidénsia hodi hein prosesu investigasaun.
Hafoin Interrogatóriu dahuluk Defeza arguidu sira nian, Eustaquio Guterres, konsidera arguidu nain-rua la priense rekezitu sira ba komete krime ne’ebé Ministériu Públiku akuza kona-ba tráfiku umanu.
“Tribunal hare’e katak iha indisu forte ba arguidu no arguida ne’e komete krime tráfiku umanu ida-ne’e Tribunál nia haree, maibé nu’udar defeza nia haree katak krime ne’ebé promove Ministériu Públiku akuza ne’e la priense ba krime “, Defesór Eustaquio hateten ba jornalista sira iha TJPID, Kaikoli -Dili.
Defeza konsidera nia kliente na’in-rua ne’e apoia voluntariamente ba ema hirak ne’ebé hakarak ba servisu iha rai li’ur.
“Defeza la konkorda ho despaisu Tribunál ba arguidu sira no sei halo rekursu. Ha’u la konkorda no sei halo rekursu,” nia konklui.
Jornalista: Natalino Costa
Editór: Florencio Miranda Ximenes

