Breaking News: Membru F-FDTL ida mate ho mistériu iha Oekusi
OEKUSI, 10 Juñu 2025 (TATOLI) – Membru FALINTIL-Forsa Defeza Timor-Leste (F-FDTL) ida ho naran kompletu Reinaldo Ximenes, mate ho mistériu iha postu komponente navál, neʼebé lokaliza iha bairru Oébau, suku Costa, sub-rejiaun Pante Makasar, Rejiaun Administrativu Espesiál Ambenu Oekusi (RAEOA).
Tuir observasaun jornalista Ajénsia TATOL,I.P, katak kazu ne’e akontese iha tuku 09:30,dader no hetan kedas asisténsia médiku husi Ospitál Referál Oekusi, maibé la konsege salva vida.
Nune’e, parte Komandu Polísia Nasionál Timor-Leste (PNTL) Oekusi liuhusi sesaun investigasaun kontinua halo seguransa iha lokál krime no kontinua monta polisía liña.
Entretantu kona-ba kronolójia no biografia parte komandu komponente navál seidauk relata ba públiku tanba relatóriu sei submete direita ba komandu nasionál.
Jornalista: Abílio Elo Nini
Editór: Florencio Miranda Ximenes
