DILI, 04 Jullu 2025 (TATOLI)—Fundu Nasaun Unida ba Labarik (UNICEF) sei apoiu mákina Incinerator ne’ebé ninia funsaun atu sunu lixu médiku , ba Hospitál Nasionál Guido Valadares (HNGV).
Diretór Administrasaun Finansa Lojistika no Aprovizionamentu, Clementino da Costa, hateten iha tempu badak nia laran ne’e, UNICEF sei apoiu mákina Incinerator foun ba HNGV.
“Mákina Incinerator foun ne’ebé sei apoiu husi UNICEF ne’e la hanesan Incinerator agora ahi su’ar, maibé ida-ne’e sunu ahi la su’ar. Tanba, mákina foun ida agora dadauk ne’e nia só halo manas atu halo lixu médiku sira-ne’enabeen de’it,” Clementino da Costa hateten hateten ba jornalista sira, iha HNGV, ohin.
Nia hateten, sira sei minimiza impaktu sunu lixu ne’e mak sei sunu iha tempu kalan atu nune’e su’ar labele afeta ba iha komunidade.
“Antes ne’e, iha ona oráriu tékniku sunu dadeer no mákina ne’e ho durasaun ne’ebé tempu naruk tebes. Impaktu ne’ebé hamosu ahi su’ar tanba makina la estândar ona,” nia esplika.
Nia haktuir, mákina Incinerator agora daudaun uza hodi sunu lixu médiku nia ne’e eziste iha 2017, ho nune’e sunu lixu médiku sira-ne’e aumenta mákina ne’e ladun di’ak ona.
“Mákina Inciberator ne’e konstrui iha 2017, entaun ita sunu lixu médiku sira-ne’e nia hamosu ahi su’ar, tanba nia knalpot ne’e tohar entaun halo inventa ba nia ahi su’ar fatin ne’e no nia komesa laiha ona estandar ona,. Husi ne’e, ahi su’ar ne’e la tiru sa’e ba leten ona maibe to’o iha knalpot nia ibun ne’e komesa namkari ona, tanba impaktu husi mákina ne’ebé la estândar ona,” nia relata.
Antes ne’e Sekretáriu Estadu Asuntu Toponímía no Organizasaun Urbana sujere atu lori ba sunu iha Tibar, maibé ne’e labele tanba dook no lori tempu nune’e mak sira parte Hospitál Nasionál Guido Valadares hetan ona informasaun sira bainhira mákina mai halo instalasaun de’it iha HNVG.
“SEATOU sujere atu bele ba tau iha fatin do’ok maibé ne’e tenke lori tempu naruk. Tanba ne’e mak iha infomasaun verbal, mákina mai ita nafatin halo Instalasaun iha HNGV hodi hein prosesu Instalasaun ne’e. Ami mós iha alternativu balun hodi minimiza inpaktu ahi su’ar ba komunidade, entaun ami sunu lixu ne’e iha de’it oras kalan. Ida-ne’e hodi hein alternativu ida hodi hein prosesu Instalasaun ba iha mákina foun,” nia dehan.
Jornalista : Felicidade Ximenes
Editór : Cancio Ximenes
