VIKEKE, 11 Jullu 2025 (TATOLI)—Prezidente Autoridade Munisipál (PAM) Vikeke, Francisco C. S de Gonzaga Soares informa katak ezekusaun Orsamentu Jerál Estadu (OJE) husi Autoridade Munisípiu Vikeke iha progresu.
“Ha’u sente ezekusaun OJE la’o di’ak tanba atinjimentu ne’e la’ós hakerek iha suratahan de’it, maibé ami-nia hakarak ne’e ezekusaun fíziku mós tenke la’o hodi atende povu nia nesesidade,” Francisco ba TATOLI iha nia kna’ar fatin, sesta ne’e.
Nia haktuir dezafiu ne’ebé sira enfrenta iha ezekusaun OJE mak lei aprovizionamentu impede ezekusaun, maibé ida-ne’e dezafia autoridade atu hadi’a.
“Ita labele hanoin katak buat hotu fásil, maibé maski prosesu aprovizionamentu tarde no sistema foun ba ita maibé ita buka detál maneira hodi buka hatene atu servisu ezekusaun sira-ne’e bele la’o di’ak,” nia relata.
Enkuantu, OJE 2025 alokadu ba Munisípiu Vikeke ho totál $10.026.540,00, kompromisu sira $426.707.67, obrigasaun sira $1.199.719,39, atuál $4.361.101,81, saldu $4.039.011,13 no ezekusaun % 55.5%.
Aloka ba saláriu vensimentu orijen $3.982.966,00, kompromisu sira $0.0, obrigasaun sira $0.0, atuál $1.080.524,67, saldu $2.902.441,33 no ezekusaun 27.1%.
Ba bens servisu orijen $843.395,00, kompromisu sira $270.016.50,00, obrigasaun sira $119.468,25, atuál $217.808,93, saldu $236.101,32 no ezekusaun 40.0%.
Iha transferénsia públika orijen $3.656.102,00, kompromisu sira $12.240,83, obrigasaun sira $18.000,00, atuál $2.785.160,28, saldu $840.700,89 no ezekusaun 76,7%.
Husi kapitál menór orijen $152.500,00, kompromisu sira $144.450,00, obrigasaun sira $0.0, atuál $0.0, saldu $8.050,00 no ezekusaun 0.0%.
Enkuantu, kapitál dezenvolvimentu orijen $1.391.577,00, obrigasaun sira $1.062.251,14, atuál $277.607,93, saldu $51.717,59 no ezekusaun 96,3%.
Jornalista: Vitorino Lopez da Costa
Editór: Xisto Freitas da Piedade
