DILI, 14 Jullu 2025 (TATOLI)—Hospitál Nasionál Guido Valadares (HNGV), iha Abril to’o Juñu ne’e, kontribui reseita ba kofre Estadu hamutuk $112,602,85 ne’ebé fonte ne’e maihusi pasiente estranjeiru no pasiente lokál.
“Reseita husi Abril hamutuk $39,398.01, Maiu $37.102.86 no Juñu $36.101.98,” Diretór Administrasaun Finansa Lojístika no Aprovizionamentu iha HNGV, Clementino da Costa, hateten ba jornalista sira, iha HNGV, ohin.
Durante fulan tolu (3) ne’e, pasiente estranjeiru ne’ebé halo tratamentu iha HNGV hamutuk 319 no pasiente lokál hamutuk 3000-resin.
“Pasiente estranjeiru ne’ebé mai halo tratamentu iha HNGV hanesan check up, operasaun agora pasiente lokál hanesan hela iha VIP ida-ne’e mak durante ita rekolla,” nia esplika.
Entertantu, reseita ba veteranu ne’ebé HNGV rekolla durante fulan-tolu (3) hamutuk $$22, 240.
Jornalista : Felicidade Ximenes
Editór : Cancio Ximenes
