DMTC Kovalima rekolla reseita rihun $52 ba kofre Estadu
KOVALIMA,14 Jullu 2025 (TATOLI)- Hahú Janeiru to’o Juñu 2025 ne’e, Diresaun Munisipál Transporte no Komunikasaun (DMTC) Kovalima, rekolla reseita hamutuk $52.147.50 ba kofre Estadu.
“Ami hala’o atividade ne’ebé rútina hodi halo inspensaun ba veikulu,renova karta kondusaun, lisensa trajetu no mós ami rejistu kliénte ne’ebé sosa karreta ka motorizada iha dealer hodi troka naran. Husi atividade sira ne’e ami kontribui ona reseita $52.147.50 ba kofre Estadu” Diretór Diresaun Transporte Munisípiu Kovalima, Joaquim Gusmão, informa ba Tatoli, iha Bairru Kosta ohin.
Reseita ne’ebé mak DMTC ho nia invoce hamutuk 3516 ne’ebé invoice ba inspesaun hamutuk 2,603, invoice ba lisensa trajetu 84, invoice ba kartaun kondusaun 124, invoice ba rejistu 670, invoice ba xapa mátrikula lakon 22 no invoice ba troka xapa 10 .
Durante kontribui reseita funsionáriu DMTC hasoru difikuldade mak hanesan menus rekursu hodi atende máximu ba kliente sira, menus fasilidade hanesan komputadór, printer no mákina atu imprime karta kondusaun.
Ho nune’e, DMTC submete ona pedidu ba nasionál atu loke oportunidade ba sidadaun sira ne’ebé mak seidauk iha karta kondusaun atu tuir teste, maske iha ona mákina maibé seidauk iha laminating ribbons.
“Ha’u simu telefone husi finansa munisípiu Kovalima iha ona konkordánsia entre empreza ho Governu atu sosa materiál hanesan laminating no ribbons nune’e bele loke oporunidade ba sidadaun sira tuir teste hodi imprime karta kondusaun”, nia dehan.
Jornalista:Celestina Teles
Editór: Florencio Miranda Ximenes
