HNGV ezekuta ona OJE 2025 49%
DILI, 14 Jullu 2025 (TATOLI)—Diretór Adminsitrasaun Finansa no Lojístika iha Hospitál Nasionál Guido Valadares (HNGV), Clementino da Costa, infroma husi Janeiru to’o agora, HNGV ezekuta ona Orsamentu Jerál Estadu (OJE) 2025 49% ($7.279.402.76).
Orsamentu Jerál Estadu 2025 ne’ebé aloka ba Hospitál Nasionál Guido Valadares (HNGV) hamutuk $14,855,924.00, ne’ebé fahe ba kategoria saláriu vensimentu, Bens Servisu, Kapitál Menór no Kapitál Dezenvolvimentu.
“Husi janeiru mai to’o agora ne’e ezekusaun orsamentu ne’e ba obra sira-ne’ebé mak agora daudaun iha HNGV no pagamentu ba empreza foresedór sira. Konstrusaun sira-ne’e mak iha, entaun ida-ne’e mak ita ezekuta ona 49%,” Clementino da Costa hateten ba jornalista sira, iha nia kna’ar fatin HNGV, ohin.
Nia esplika, husi ezekusaun iha mós konstrusaun ba maternidaade no halo pagamentu ba servisu anteriór sira-ne’ebé HNGV iha.
“Oramentu ne’ebe aloka ba manutensaun ba ekipamentu médiku ein jerál ho montante rihun $513, ida-ne’e pakote ida de’it atu apoiu manutesaun ba iha ekipamentu médiku sira-ne’ebé avaria,” nia hateten,
Jornalista : Felicidade Ximenes
Editór : Cancio Ximenes
