Janeiru-Juñu, PNTL Kovalima rejista kazu hamutuk 78
KOVALIMA,14 Jullu 2025 (TATOLI)- Hahú trimestre ba dahuluk no daruak ne’ebé Janeiru to’o Juñu 2025 ne’e, Komandu Polísia Nasionál Timor-Leste (PNTL) munísipiu Kovalima, rejista kazu hamutuk 78.
“Ha’u atu partilla informasaun relasiona servisu PNTL durante fulan-neen ne’ebé rejista kazu krime ne’ebé akontese iha munisípiu Kovalima ne’ebé ita rejista iha sistema kazu hamutuk 78”, Komandante PNTL Kovalima, Asistente Superintendente Polísia, Inacio Amaral relata dadus ne’e ba Jornalista sira, iha edifísiu PNTL Santa-Rosa ohin.
Durante fulan-neen, PNTL Kovalima rejista tipu kazu oin-oin iha sistema hotu ona iha Minstériu Públiku (MP),tanba husi totál kazu 78 ne’e kazu númeru dahuluk mak kazu asaltu malu ka ofensa 35, no tuir kazu violénsia Doméstika (VD) 23 , kazu suisidu tolu,asaltu seksuál tolu,asediu seksuál haat, burla ida, danu lima no tipu kazu kontra bandu haat.
PNTL kontinua rejista kazu kontra bandu tanba munisípiu Kovalima iha nia postu Fatululik,Fatumea no Tilomar Fronteira ho nasaun viziñu Indonézia lori sasan liuhusi dalan ilegál hanesan mina ho sigarru.
Aleinde relata dadus kona-ba rejista kazu, nia mós relata akontese kazu asidénte trafegu durante fulan-neen ne’e hamutuk 34. Husi númeru ne’e nia kauza husi asidénte tanba motorista sira uza transporte la kontrola másimu, asidénte tanba natureza no kauza husi soke animál sira no seluk tan.
Asidénte traregu ne’ebé akontese ne’e envolve entrega kareta ho motorizada, karreta entre Kareta barak liu mak motorizada no motorizada no motorizada sira soke animál, tanba haree ba kondisaun estrada la di’ak.
Jornalista:Celestina Teles
Editór: Florencio Miranda Ximenes
