DILI, 16 Jullu 2025 (TATOLI)—Ministru Juventude, Desportu, Arte no Kultura (MJDAK), Nelyo Isaac Sarmento, afirma informasaun husi Angola ne’ebé mak atu transmite ba públiku kata, loloos ne’e ohin delegasaun husi Áfrika, Angola ho Mosambike to’o ona iha Timor maibé tanba aviaun avária, entaun sira adia no sei to’o iha Timor-Leste iha 18 Jullu.
Notísia Relevante: Preparativu ba jogu desportivu CPLP termina ona
“Nune’e pilotu foti desizaun fila-fali ba Luanda kapitál Angola, no ohin delegasaun sira seidauk to’o hotu so aban mak Portugál de’it mak to’o iha Timór,” Ministru Nelyo Isaac informa ba jornalista sira hafoin termina reuniaun Konsellu Ministru iha Palásiu Governu, ohin.
Governante ne’e dehan, nasaun sira husi Áfrika ninian, sira sei muda fali sira-nia oráriu viajem (penerbangan), nune’e agora daudaun kada nasaun kontaktu ba kompañia Aero Dili ka Citilink oinsá mak atu halo mudansa ba sira-nia billete.
“Entermus hanesan prezidente ba interministeriál no komisaun nia, ha’u buka maneira oinsá atu halo kontaktu ho Aero Dili ka Citilink para bele fasilita karik iha buat ruma iha mudansa billete sira, tanba la’ós sira mak finje tarde maibé tanba aviaun ne’ebé lori sira-ne’e mak hetan problema tékniku,” nia dehan.
Enkuantu, aban (kinta, 17 Jullu) nasaun Portugál de’it mak to’o iha ne’e ho nasaun balun tan, no sira seluk mai fali iha loron 18 Jullu tanba problema tékniku iha sira-nia aviaun.
Jornalista : Alexandra da Costa
Editór : Cancio Ximenes
