DILI, 17 Jullu 2025 (TATOLI)—Governu Timor-Leste liuhusi Ministra Saúde, Elia dos Reis Amaral, kuarta ne’e, ho nia ekipa dezloka ba Autrália ho objetivu atu asina akordu ho ospitál The Northern Territory iha Austrália.
“Horisehik hetan ona autorizasaun husi Primeiru-Ministru atu ba asina akordu entre ita ho hospital Tthe Northern Territory, Austrália,” Elia dos Reis informa ba jornalista sira, iha Palásiu Governu, ohin.
Nia hateten, osan ne’ebe Governu aloka ba Hospitál The Northern Territory, Austrália hamutuk millaun $1 australiano atu nune’e bele asegora no kontrola osan liga ba pasiente sira-ne’ebé halo tratamentu iha Austrália.
“Husi asina akordu ne’e ita atu halo kontrolu ba ita-nia osan ne’ebé aloka ba ita-nia pasiente hira mak ba ita bele redús husi osan ne’ebe aloka ona anteriormente ita la kontrola orsamentu sira-ne’e iha ne’ebe,” nia dehan.
Nia esplika, agora daudaun Governu tenke halo kontrolu másimu atu nune’e bele investe ba rai ida-ne’e inklui primeru sirkulasaun atu fó serteza ba planu nonu Governu nian.
Antes ne’e, Vise Primeiru-Ministru no Ministru Koordenadór Asuntu Sosiál, Mariano Assanami Sabino, hateten tempu badak Governu Timor-Leste sei halo akordu ho Ospitál Darwin-Austrália hodi transfere pasiente sira ba halo tratamentu iha-ne’ebá.
“Iha tempu badak sei halo akordu ho Ospitál Darwin no daudaun ne’e iha ona prosesu nia laran atu haruka pasiente sira bá,” Mariano dehan.
Jornalista : Felicidade Ximenes
Editór : Cancio Ximenese
