Tékniku veterinária Kovalima konsege vasina ona asu hamutuk 483
KOVALIMA,18 Jullu 2025 (TATOLI)- Servisu Munisipál Agrikuktura (SMA), liuhusi Departamentu Pekuária no Veterinária munisípiu Kovalima konsege vasina ona asu hamutuk 483.
“ Hafoin virus raiva mosu ita simu orientasaun husi nasionál ne’ebé halo vasinasaun ba asu hodi halo prevensaun ba moras raiva. Atividade vasina ita hala’o iha tinan kotuk. Iha 2025 ne’e ,ita vasina ona asu hamutuk 483”, Xefe Departamentu Pekuária no Veterinária, Urbano Maria Tilman Suri relata dadus ne’e ba TATOLI, iha kampung Baru, ohin.
Xefe Depratamentu ne’e dehan katak , tékniku veterinária durante halo vasina asu hamutuk 483 ne’ebé mai husi postu administrativu sira hanesan postu administrativu Suai vasina 291,Maucatar 81 no husi Tilomar asu 111.
“ Ita dadaun ne’e sei fó atensaun máximu vasina asu iha postu administativu Suai Tilomar no Maucatar tanba kazu rai mosu iha postu tolu nune’e ita fó atensaun másimu tanba iha tinan kotu hala’o ona basinasaun jerál kobre iha postu administrativu hitu”nia dehan.
Durante tékniku veterinária sira tuun ba terreñu atu vasina asu hasoru difikuldade tanba hakiak animál asu sira ladun koopera di’ak ho tékniku veterinária sira, nune’e la konsege vasina komunidade sira nia vasina
Tékniku sira la konsege vasina asu, tanba komunidade ne’ebé hakiak asu aprezenta sira nia razaun dehan asu si’ak no nune’e halo tékniku sira la konsege atu vasina asu hodi halo prevensaun ba virus raiva.
Tuir dadus totál asu iha postu administrativu Suai, Maucatar no Tilomar hamutuk 753 husi númeru ne’e asu ne’ebé vasina ona hamutuk 483 no asu ne’ebé seidauk vasina hamutuk 270 husi benefisiáriu hamutuk 1031
Jornalista: Celestina Teles
Editór:Florencio Miranda Ximenes
