DILI, 20 Jullu 2025 ( TATOLI) – Feto Mosambikana konkista hafoin joga ho femenina angolana iha modalidade Tenis Kampu iha ámbitu jogu desportivu Komunidade Ko’alia Lian Portugés (CPLP, sigla portugés) ne’ebé realiza iha Dili.
Iha tuku 17:45 modalidade Tenis Kampu hahú husi Mosanbikana ho femenina Agolana iha kampus B, UNTL Sentrál no remata iha tuku 18:40.
Husi modalidade ne’e árbitru husi timoroan Patrício Pereira, enkuantu atleta husi mosambikana ho naran Letícia Jandamel hasoru ho atleta angolana Filomena Gonçalves.
Iha set dahuluk Feto husi nasaun Mosambike konkista femenina Angola ho eskore 6-0, nune’e femenina angolana kontinua esforsu, maibé mosambikana nafatin firme hodi kontinua fó vitória iha set daruak ba femenina angolana ho 6-2.
Nune’e Monsanbike mak manán jogu ho modalidade tenis kampu ne’ebé lokalizada iha UNTL Sentrál.
“Ha’u sente kontente tebes tuir modalidade ida-ne’e tanba ikus mai ha’u hetan vitória,” atleta Mosanbike, Letícia Jandamela dehan.
Antes nia partisipa jogu CPLP ba da-XII nia mós partisipa ona modalidade tenis kampu iha nasaun Áfrika Súl.
Tuir Filomena Gonçalves husi Angola, katak maske primeiru jogu kontra Portugal no segundu jogu kontra Mosanbike ne’ebé lakon katak ida-ne’e hanesan lisaun ida atu kontinua aprende ba oin.
“Ida-ne’e hanesan lisaun ida mai ha’u no joga ne’e di’ak tebes no ha’u rekonese katak sira joga di’akliu ha’u,” Filomena konklui.
Jornalista : Felicidade Ximenes
Editór: Evaristo Soares Martins
