DILI, 21 Jullu 2025 (TATOLI)—Ekipa tenis singular no ekipa mista husi Portugál domina iha tenis kampu iha jogu desportivu CPLP ba edisaun da-XII ne’ebé realiza iha Dili, Timor-Leste, hahú husi 17-27 Jullu 2025
Atleta tenis kampu singular no mista husi portugál Portugál 2, António Rodrigues, segunda ne’e, kontra atleta tenis Portugál 1, Lourenço Correia, iha jogu desportivu CPLP ne’ebé realiza iha kampu tenis UNTL sentrál, Kaikoli, Dili.
Jogu refere hah’u hala’o iha tuku 14h30 no ramata iha tuku 16h33 lorokraik, ne’ebé rezulta iha jogu ne’e set dahuluk Portugál 1 ho point 7 no Portugál 2 ho point 8.
Hakat ba iha set daruak, Portugál 1 point 5 no Portugál 2 iha point 7, no husi set datoluk mak Portugál 1 iha point 7 no Portugál 2 ho point 10, nune’e Portugál 2 mak lidera jogu refere.
Árbitu ne’ebé lidera jodu refere mak timoroan ida naran Agapito Ferreira, enkuantu jogu ne’e ramata kontinua kedas ho jogu tenis mistu husi Portugál
Atleta Portugál 1 mak Lourenco Correia ho Beatriz Angelico hodi kontra Portugál 2 ho atleta naran Sofia Ferreira ho Antonio Rogrigues.
Jogu paris mistu ne’e hahú iha tuku 17h15 no ramata iha 18h45, ne’ebé lidera husi árbitu husi Timor-Leste ho naran José de Jesus, enkuantu husi jogu ne’e Portugál 1 mak lidera.
Jornalista : Felicidade Ximenes
Editór : Cancio Ximenes
