Vasina virus raiva estoke mamuk iha SSM Kovalima
KOVALIMA, 21 Jullu 2025 (TATOLI)-Diretór Servisu Saúde Munisípiu Kovalima, Domingos Sequeira, relata durante semana ida ona vasina prevensaun ba virus raiva stock out iha Servisu saúde munisípiu Kovalima.
“ Ita falta ona vasina virus prevensaun raiva, nune’e ita sempre submete kedas pedidu katak ita menus ona stock vasina prevenesaun raiva, maibé vasina virus raiva ne’e iha nasionál mak stock out”, Domingos Sequeira relata ba jornalista iha nia servisu fatin Camnasa, ohin.
Daudaun ne’e, Iha nasionál mós sosa hela vasina tanba vasina la’ós prodús iha rai-laran, nune’e presiza atu hein, maske laiha vasina.
Dirijente ne’e esplika pesoál saúde sira vasina sidadaun sira nian asu ho tipu vasina tipu RIG, Var ho TT.
Tuir dadus iha Servisu saúde munisípiu Kovalima rejista kazu asu tata sidadaun, hahú Janeirtu to’o ohin loron hamutuk 295 no tinan 2024 iha kazu sidadaun rejista 144.
Ho nune’e, Dirijente husi Servisu Saúde Rasik, kona-ba asuntu ne’e hasoru malu ona ho Prezidente Autoridade munisípiu (PAM), Kovalima husu ba komunidade sira kesi asu.
Jornalista: Celestina Teles
Editór :Florencio Miranda Ximenes
