DILI, 22 Jullu 2025 (TATOLI)—Atleta tenis maskulinu Portugál, Lourenco Correia, halakon atleta Mosambike, Amin Rosa, iha jogu tenis kampu loron datoluk nian ne’ebé hala’o iha kampu tenis UNTL Sentrál, Kaikoli, Dili, tersa ne’e.
Jogu ne’ebé hahú iha tuku 14h40 no ramata iha tuku 15h32 ne’e, lidera husi árbitu Angolanu ho naran Henrique João.
Iha set dahuluk, atleta Portugál hetan valór 6 no Mosambike 1, nune’e atleta Mosambike esforsu aan atu manán iha set daruak, maibé atleta portugál kontinua mantein posizaun nune’e ba set daruak portugál kontinua manán ho valór 6-1.
Husi oras ne’ebé hanesan, iha Kampu B, atleta maskulinu Portugál ho naran Antonio Rodrigues kontra hasoru atleta maskulinu Timor-Leste ho naran Frans da Silva, iha tenis kampu UNTL sentral ne’ebé hala’o iha iha tuku 14h48 no ramata 15h20.
Jogu ne’e lidera husi árbitu timoroan ho naran Qualtero Gusmao ne’e, iha set dahuluk atleta Portugál hetan valór 6 no Timor Leste 0 no iha set daruak atleta Portugál kontinua lidera ho valór 6-0, nujune’e iha modalidade tenis ne’e ekipa maskulinu Portugál kontinua lori vitória.
Jornalista : Felicidade Ximenes
Editór : Cancio Ximenes
