Portugál manan Mosambike iha tenis pár mistu
DILI, 22 Jullu 2025 (TATOLI) – Portugál konkista Mosambike iha tenis pár mistu iha set dahuluk no daruak tutuir malu ho skór 6-1.
Tenista Portugál reprezenta hosi Lourenco Coreira ho Beatriz Angelico no Mosambike reprezenta hosi Leticia Jandamel ho Amin Rosa.
Jogu referidu hahú iha tuku 15:55 ramata iha oras 16:45 Iha jogu ne’e set dahuluk Portugál neen (6), Mosanbike ida (1) no set daruak Portugal nafatin mantein 6-1. Nune’e iha kampu A, Portugal nafatin lidera jogu pár mistu. Arbitu ba jogu ne’e lidera husi husi arbitru Timor-Leste ho naran Agapito Ferreira.
Enkuantu ho oras hanesan jogu pár mistu ne’ebé halao iha kampu B husi Portugal ho atleta naran António Rodrigues ho Sofia Ferreira hasoru ho Timor-Leste ho naran Graciabeth Valosa ho Frans da Silva.
Jogu iha kampu B hahú iha tuku 15h42 no ramata 16h44. Modalidade jogu tenis kampu, set dahuluk Portugal neen (6) no Timor-Leste zero (0). Husi ne’e, Portugal kontinua lidera ba set daruak ho 6-0.
Arbitru ba jogu ne’e mai husi Timor-Leste ho naran José de Jesus. Nune,e modalidade ba jogu pár mistu husi kampu A no B portugal nafatin lori vitória.
Jornalista : Felicidade Ximenes
Editór: Rafael Ximenes de A. Belo
