Autoridade Kovalima nota pesoál apoia suku seidauk entende prenxe livru administrasaun
KOVALIMA, 23 Jullu 2025 (TATOLI)- Autoridade munisípiu Kovalima liuhusi Servisu Munisipál Apoiu Organizasaun Noun Governamentál no Organizaun Komunitária observa katak pesoál apoia suku ne’ebé mak destaka iha suku sira seidauk komprende atu prenxe livru administrasaun suku ho naran livru 18 iha suku sira.
“Autoridade konsidera seidauk komprende tanba hanesan livru 18 , A1 nia funsaun atu prenxe ajenda la’os atu prenxe ajenda konvite, maibé prenxe ajenda enkontru iha suku hodi halo diskusaun kona-ba tema sira ”, Xefe Departamentu Apoia Sosiedade Sivil, Edmundo Ferreira aprezenta , iha reuniaun konsellu koordenasaun munisipál iha salaun AMC ohin.
Bazeia ba observasaun funsionáriu apoia suku seidauk komprende prense sivru 18 mak hanesan iha área kona-ba infentaris suku ,oinsá atu prense ajenda enkontru suku no sira seluk tan.
Hafoin autoridade observa hanesan autoridade iha responsabilidade hodi halo esplikasaun ba funsionáriu apoiu suku sira oinsá atu prense livru 18 iha suku sira espera bele iha ona mudansa
Importánsia husi livru 18 mak hanesan atu uniformiza administrasaun suku iha terreitóriu, atu fasilita lideransa komunitária sira nia atendementu ba populasaun iha nivél suku no atu rejistu informasaun sira iha suku laran.
Tuir lei-númeru 9/2016, 8 Juñu artigu 23 ka’olia kona-ba kompeténsia xefe suku iha aliña e kona-ba elaborasaun no ezekusaun planu dezenvolvimentu komunitária ,signifika atu halo planu anuál ne’ebé di’ak normal ne’e presiza dadus ne’ebé kredivel no atuál. Ho nune’e Ministériu Administrasaun Estatal liuhosi Diresaun Nasionál apoiu administrasaun Suku hodi estabelese livru administrasaun iha suku sira
Livru Administrasaun suku fahe ba grupu tolu mak hanesan,livru administrasaun suku hahú A1 to’o A11, Livru administrasaun populasaun BI to’o B5 no livru adminisrasaun dezenvolvimentu C1-C2.
Funsaun husi livru administrasaun suku A1 to’o A11 mak hanesan,Livru A1 kona-ba livru desizaun konsellu suku, A2 livru desizaun suku,A3 Livru infertáriu suku,A4 livru ajenda karta sai,A5 livru ajenda karta tama,A6 livru espedisaun,A7 livru lideransa komunitária,A8 lista prezensa, A9 livru minutas enkontru,A10 Livru rejistu keixa suku no A11 livru ne’ebé atu rejista bainaka.
Aleinde ne’e funsaun livru administrasaun populasaun BI to’o B5 mak hanesan livru B1 livru ne’ebé mak atu rejistu populasaun,B2 livru rejistu populasaun temporáriu ,B3 livru rejistu mudansa populasaun, livru B4 livru dadus rekapitulasaun populasaun no livru B5 livru rejistu uma-kain.
Livru administrasaun dezenvolvimentu suku fahe ba livru C1 ne’e livru ne’eb’e atu halo rejistu projetu sira no livru C2 livru ne’ebé atu halo rejistu ba atividade sira iha suku sira.
Jornalista :Celestina Teles
Editór:Florencio Miranda Ximenes
