KOVALIMA, 25 Jullu 2025 (TATOLI)- Estasionamentu Prizaun Suai, tersa-ne’e, transfere prezu na’in-11 bá prizaun Gleno tanba espasu iha prizaun Suai la sufisente ona atu akumula prezu sira.
“Foin lalais ne’e ita halo transferénsia prezu na’in-11 ba prizaun Gleno tuir loloos 120, maibé ita iha 133 ita liu ema nain-13. Tanba ne’e mak ita halo transferénsia prezu ba prizaun Gleno”, Diretór Estabelesementu Prizionál Suai, Rui Gonçalves relata dadus ne’e ba jornalista iha prizaun Suai iha Tabakolot,ohin.
Prezu ne’ebé transfere ba prizaun Gleno tuir loloos 120 tanba sira nia prezu la to’o trazetu, nune’e mak prezu iha prizaun Suai transfere bá prizaun Gleno.
“Ita transfere prezu na’in-11 atu kompleta, nune’e bele naton tanba prizaun Suai fahe ba bloku tolu ne’ebé kada bloku iha sela lima, kada sela akumula prezu aas liu mak prezu na’in-ualu tanba kada bloku totál prezu masimu mak 40 durante ne’e akumula prezu liu“, nia dehan.
Diretór ne’e esplika durante ne’e konvida pesoál saude sira halo konsulta ba prezu sira kada sela akumula prezu nain-sia.
Hafoin Transferénsia, prizaun Suai prenxe ona trajetu tanba kada prizaun akumula de’it prezu 120, maibé dadaun ne’e iha prizaun Suai prezu hamutuk 119 tanba na’in-rua sai ona .
Tuir dadus totál prizoneiru iha Suai hamutuk 119. Husi númeru ne’e iha bloku kada prezu na’in-30, bloku B prezu 37, bloku C prezu 40, prezu ne’ebé mak prezenta ona um tersu prezu prenxe ona ka kumpre metade pena no iha parte koziña 12.
Jornalista :Celestina Teles
Editór:Florencio Miranda Ximenes
