DILI, 30 Jullu 2025 (TATOLI)—Janeiru to’o juñu Autorodade Inspesaun no Fiskalozasaun Atividade Ekonomia Sanitaria no Alimenrar (AIFAESA), iha Janeiru to’o Juñu, kontribui ona reiseita hamutuk $172.927 ba kofre Estadu.
“Trimestre primeru to’o segundu, iha fulan-Juñu ita halo ona inspesaun iha kapital no munisípiu totál estabelesimentu ne’ebé ita halo ona inspesaun ne’e hamutuk 1.303. Husi ne’e, hatama ona reseita ne’e kofre Estadu,” Inspetora AIFAESA, Odete Viegas, hateten ba jornalista sira iha nia kna’ar fatin, Matadoru, ohin.
Nia dehan, iha fulan-Jullu halo inspesaun ba estabelesimentu 297, ba atividade komersiu 251, industria lima (5) no turizmu 41. Husi inspesaun sira halo ona enseramentu temporária ba fatin tolu 93) ona no husi fatin ne’ebé halo inspesaun konsege rekolla koima iha fulan ida-nian hamutuk $46.240.
“Koima sira-ne’e hetan husi infratór sira-ne’ebé mak komete irregularidade ka infrasaun hamutuk 310 estabelesimentu mak komete infrasaun ne’e ninia produtu sira-ne’ebé prende ona. Produtu sir- ne’ebé prende mak produtu aihan produtu la’ós tabaku no mós la’ós alkól,” nia relata.
Nia afirma, husi Janeiru to’o mai agora halo inspesaun ba produtu ne’ebé prende mak produtu aihan no mós la’ós aihan hamutuk 7.301, ba produtu ai-han hamutuk 7200, alkól hamutuk 227 no tabaku 667.
Jornalista : Felicidade Ximenes
Editór : Cancio Ximenes
