DILI, 31 Jullu 2025 (TATOLI)—Jogadora feminina Jessica Soares Faculto aprezenta aan hakarak reforsa ekipa Selesaun Nasionál Futeból Feminina.
“Jogadora Jessica Soares Faculto daudaun ativu hela joga iha klube Southampton Woman’s Team (England) iha divizaun 3,” hakerek nota komunikadu Federasaun Futeból Timor-Leste (FFTL) ne’ebé TATOLI asesu, Kinta ne’e.
Jessica Faculto nu’udár timoroan iha diáspora Reinu Unidu (Inglaterra), prezensa iha Federasaun Futeból Timor-Leste (FFTL) iha loron Kuarta, 30 Jullu, simu direta husi Sekretáriu Jerál, José Adilson Ribeiro akompañadu husi Diretór Dezenvolvimentu Parseria Internasionál, Jânio Tilman no Officer Servisu Selesaun Nasionál FFTL, José Fonseca.
Jogadora Jessica Soares Faculto ho idade 21, oan husi aman Alvaro dos Santos da Silva Soares no inan Ana Maria Marques Faculto.
Jornalista: Natalino Belo
Editór: Xisto Freitas da Piedade
