VIKEKE, 04 Agostu 2025 (TATOLI)—Diretór Servisu Saúde Munisípiu (SSM) Vikeke, Aljaksono Soares Maia relata stock ai-moruk ne’ebé SSM Vikeke iha fulan-Agostu ne’e sei sufisiente hodi atende komunidade, maibé stock out 6% de’it.
“Kona-ba stock ai-moruk ami laiha problema tanba agora daudaun ne’e sei sufisiente. Husi totál item ai-moruk Munisípiu Vikeke hamutuk 262. Husi númeru ne’e, iha 6% mak stock out,” Aljaksono Soares Maia ba TATOLI iha ninia kna’ar fatin,Vikeke Vila, Segunda ne’e.
Aljaksono esplika stock out 6% kompostu husi promethazine, albendazole, multi-vitamina, hidralazine, diazepam no seluk-seluk tan.
Kona-ba kontrolu ai-moruk, nia dehan, SSM Vikeke iha Xefe Departamentu Administrasaun no Ofisiál Farmásia sira halo kontrolu hodi distribui bá postu saúde sira. Aleinde ne’e, SSM Vikeke mós oferese formasaun ba pesoál saúde sira iha kada sentru saúde kona-ba utilizasaun ai-moruk no relatóriu ai-moruk.
Jornalista: Vitorino Lopez da Costa
Editór: Xisto Freitas da Piedade
