DILI, 13 Agostu 2025 (TATOLI)—Ministru Administrasaun Estatál, Tomás do Rosário Cabral, informa, Prezidente Autoridade Munisípiu (PAM) Dili, Fransisco dos Santos, ne’ebé nomeadu ona, sei simu pose iha tempu badak.
“PAM Dili hein toma pose de’it. Simu pose iha 01 Setembru,” Ministru Cabral dehan iha Ministériu Finansa, Aitarak-laran, Kinta ne’e.
Antes ne’e, iha loron Loron 28 Janeiru, Antigu PAM Dili, Gregório da Cunha Saldanha ‘Mouris’, rejigna-an no momentu ne’ebá atuál Diretór Jerál Desentralizasaun Governu Lokál, António Agosto Guterres mak subtitui nu’udar PAM Dili interinu to’o agora.
Notísia relevante : Nomeiasaun Fransisco dos Santos nu’udar PAM Dili hein publikasaun
Nune’e, iha fulan-Jullu nia rohan Governu nomeia Fransisco dos Santos nu’udar PAM foun Dili.
Gregório Saldanha hetan nomeasaun husi Primeiru-Ministru, Kay Rala Xanana Gusmão, tuir proposta Ministru Administrasaun Estatál, liuhusi despaisu nú. 16/GPM/II/2024, loron 28 Fevereiru, hodi troka Guilhermina F.S Ribeiro, ne’ebé okupa ona knaar ne’e desde tinan 2021.
Ministru Administrasaun Estatál, Tomás do Rosário Cabral fó pose ba Gregório da Cunha Saldanha ‘Mouris’, nu’udar PAM Dili iha loron 01 Marsu 2024.
Jornalista : Osória Marques
Editora : Julia Chatarina
