Ekipa Nasionál Feminina U-16 derrota ho Indonézia
DILI, 21 Agostu 2025 (TATOLI)—Ekipa Selesaun Nasionál futeból Feminina U-16 derrota 0-6 bainhira kontra Indonézia iha kompetisaun Asean Girl’s Championship ne’ebé realiza iha Estádiu Manahan, Solo, Java Sentrál, Indonézia.
Jogu ne’ebé hala’o iha loron Kuarta kalan, 20 Agostu ne’e, rezulta ekipa Lafaek tenke hakruuk ba Indonézia bainhira elementu António Timótio lakon pontu iha jogu dahuluk.
Notísia relevante: Selesaun Nasionál Feminina U-16 sei partisipa jogu Asean Girl’s Championship iha Indonézia
Indonézia lidera golu 0-4 iha primeira volta, liuhosi jogadór Nasywa Salsabila ne’ebé enxe golu tolu (hattrick) iha minutu 14, 24 no 36, inklui jogadór Jazlyn Kalya Firyal iha minutu 20 no 26.
Iha parte daruak, kontinua aumeta golu ida liuhosi jogadór Syafia Tristalia Chorlienka iha minutu 63.
Ho rezultadu jogu entre ekipa Lafaek no Garuda, selesaun Indonézia lidera tabela klasifikasaun ho pontu 3, tuir kedas Malázia,enkuantu Timor-Leste iha zona ikus ho pontu 0.
Jornalista: Natalino Belo
Editór: Xisto Freitas da Piedade
