KOVALIMA, 21 Agostu 2025 (TATOLI)- Sekretáriu Estadu Pekuária, José Vieira de Araújo, hamutuk ho Autoridade Munisípiu Kovalima, kinta ne’e, koileta hare kulit nakroma ektare 2-resin, ne’ebé uza mákina modernu iha Suku Suai Loro, postu Suai, Munisípiu Kovalima.
“Ohin, mai iha ne’e hamutuk ho Autoridade Munisípiu Kovalima,parte Igreja ho ajénsia sira kolleta hare kulit nakroman, ne’ebé uza mákina modernu komunidade”, dehan Sekretáriu Estadu ne’e, iha Suai Loro, ohin.
Biban ne’e, Governante ne’e mós husu ba agrikultór sira atu kontinua hasa’e produsaun agrikóla no husu atu komunidade sira hato’o nia preokupasaun kona-ba halo natar no toos.
Reprezentante Prezidente Autoridade Munisípiu Kovalima, Filomeno Cardoso, kontinua motiva pesoál extensionista sira atu kontinua serbisu ho agrikultór sira hodi halo natar no toos ho susesu liuliu hasa’e produsaun rai-laran.
“Ha’u nia prezensa iha ne’e atu kolleta hare kulit ne’ebé iha fulan hirak liu ba ita kuda natar. No kontinua sujere Governu atu kontinua utiliza natar kuaje ektare 800-resin ne’ebé sei abandona,” nia sujere.
Jornalista:Celestina Teles
Editór:Florencio Miranda Ximenes
