KOVALIMA, 02 Setembru 2025 (TATOLI) – Autoridade Munisípiu Kovalima hamutuk Centru Nasionál Chega! (CNC) no Muzeu Memoriál Kovalima sei hala’o atividade prinsipál lima hodi komemora no loron konsulta populár 30 Agostu np Masakre Setembru Negro 1999 ba dala-26 (06/09/1999-2025), hodi valoriza martir sira-nia sakrífisiu ba libertasaun nasionál.
Atividade prinsipál lima ne’ebé atu hala’o hanesan hala’o prosesaun, konsulta saúde públiku ba vítima sira, Chega Tour, kalan reflesaun no hala’o diálogu ho vítima sira kona-ba rekonsiliasaun.
“Atu realiza atividade hirak ne’e ita hamutuk ho Centru Nasionál Chega ! (CNC) no Autoridade munisípiu Kovalima mós preve orsamentu rihun $4.000 hodi finansia ba atividade referida”, Koordenadóra Muzeu Memorial Rejisténsia Kovalima,Maria Carvalho Amaral Bikiak relata ba TATOLI iha nia muzeum memoriál Kovalima.
Tuir Ajenda iha loron 3 Setembru, hala’o atividade prosesaun ne’ebé hahú iha Aeroportu Hobelis mai to’o iha Igreja Ave Maria Suai .
Iha loron 4 Setembru, hala’o atividade halo konsulta saúde ba vítima no rezisténsia iha muzeu memoriál Kovalima no iha loron hanesan mós Centru Nasionál Chega hala’o atividade chega tour lori alunu vizita sitiu istóriku hodi halo entrevista vítima no mós kalan reflesaun.
Entertantu, Iha loron 5 Setembru, hala’o atividade sira hanesan konsulta públiku no halo diálogu ho vítima sira kona-ba rekonsiliasaun. Nune’e iha loron 6 Setembru hala’o misa agradesimemtu hafoin CNC fó apoiu umanitária ba vítima vulneravél na’in-20.
“Ha’u mós submete pedidu ba iha Prezidente Autoridade Munisípiu Kovalima husu sira-nia ba vítima sira ne’ebé nia naran laiha lista ha’u konsege rekolla hamutuk 14 hetan apoiu husi sevisu munisipal protesaun risku dezastre naturál ” nia informa.
Notisia relevante:Suai-oan hanoin hikas Masakre Setembru Negro 1999 ho prosisaun
Jornalista: Celestina Teles
Editór: Florencio Miranda Ximenes
