DILI, 11 Setembru 2025 (TATOLI)—Bispu Dioseze Maliana no Prezidente Konferénsia Episkopál Timorense, Don Norberto do Amaral, sei prezide Peregrinasaun Aniversáriu Internasionál hodi komemora aparisaun dalimak Na’i-Feto nian ba labarik bibi-atan sira iha Cova da Iria, Fátima.
Tuir nota ne’ebé Tatoli asesu, Peregrinasaun Aniversáriu Internasionál Setembru ne’e sei hala’o entre loron 12 no 13, hodi komemora Aparisaun Na’i-Feto nian ba Lúcia, Francisco, no Jacinta, iha Cova da Iria iha loron 13 Setembru tinan 1917.
Iha peregrinasaun ne’e, Na’i-Feto Rozáriu nian husu peniténsia ba bibi-atan ki’ik sira, reza rozáriu atu hakotu funu, no fó sai katak, fulan tuirmai, nia sei halo milagre ida ema lubun ne’ebé m halo peregrinasaun iha ne’ebá dezde Maiu sei fiar iha aparisaun sira.
Tuir dokumentu ne’e, peregrinasaun internasionál ne’e prezide husi Bispu Maliana tanba dezde husi Amu Papa Bento XVI harii unidade pastorál ne’e mosu tanba fahe malu ho Dioseze Dili.
Don Norberto Amaral sai bisou iha tinan 2010, tinan hanesan ho kriasaun dioseze ne’ebé nia governa to’o ohin loron, ho lema “Lia-loos iha Domin”. Molok asume ministériu ida-ne’e, nia nu’udar pároku Maubisse no Reitór Semináriu Menór Nossa Senhora de Fátima iha Balide, Dili.
Nu’udar joven, nia estuda filozofia no teolojia no hetan ordenasaun nu’udar amu-lulik iha fulan-Outubru tinan 1988.
Programa iha selebrasaun prinsipál sira mak hanesan resitasaun rozáriu nian loron 12 iha Kapela Aparisaun sira-nian iha tuku 21:30 kalan, tuir fali ho prosisaun lilin nian no selebrasaun liafuan nian iha Altár Área Orasaun Cova da Iria nian.
Iha loron 13 Setembru, hafoin resitasaun rozáriu iha Kapela Aparisaun nian iha tuku 9:00 dadeer, no selebra Misa Internasionál ho bensaun ba ema moras sira iha altár Área Orasaun nian, hafoin peregrinasaun konklui ho prosisaun despedida, ne’ebé ho Na’i-Feto nia imajen filafali bá Kapela.
Iha loron hanesan, 13 Setembru, iha meia-noite, ho Vijília Orasaun nian iha Bazílika Na’i-Feto Rozáriu Fátima nian, ne’ebé inklui momentu adorasaun eukarístika no venerasaun ba Santu Francisco no Jacinta Marto. Aleinde ne’e, iha oras tuku 2:00 madrugada sei selebra via sakra ida iha resintu orasaun nian.
Jornalista : Arminda Fonseca
Editora : Maria Auxiliadora
