DILI, 11 Setembru 2025 (TATOLI)—Polísia Nasionál Timor-Leste (PNTL) Munisipiu Dili la rejista kazu asidente no insidente grave ruma durante selebrasaun misa agradesimentu tinan-ida vizita Sua Santidade Papa Francisco mai Timor-Leste, ne’ebé halao iha Tasi-tolu, iha Kuarta (11/09).
“Durante selebrasaun misa laiha asidente no insidente ruma. Durante selebasaun misa situasaun buat hotu la’o di’ak,” Komandante PNTL Munisipiu Dili Superintendente Xefe Polísia Orlando Gomes, hateten ba Jornalista sira iha Eskuadra Dom Aleixo, Kinta ne’e.
PNTL Dili hetan apoiu másimu husi Unidade Polisia Marritima (UPM), Unidade Espesiál Polísia (UEP) no FALINTIL-Forsa Defeza Timor-Leste (F-FDTL) inklui Konsellu Polísiamentu Komunitária (KPK) inklui joven sira.
“Durante selebrasaun misa situasaun seguransa la’o ho di’ak sarani sira ninian movimentu mós di’ak, tránsporte sira para tuir ninia fatin ne’ebé mak orientsaun husi komandu sira para iha liña. Ne’e hatudu katak ita-nia sarani, ita-nia joven sira iha disipliña atubele partisipa iha selebrasaun misa,” nia akresenta.
Jornalista : Natalino Costa
Editora : Julia Chatarina
