KOVALIMA,15 Setembru 2025 (TATOLI) – Komisaun Nasionál ba Eleisaun (CNE, sigla portugés) fasilita edukasaun sívika kona-ba eleisaun munisipál ba alunu sira husi Ramu Universidade da Paz (UNPAZ) no Ensinu Sekundáriu sira iha Kovalima.
Programa Edukasaun sívika ne’e ho tema “Promove partisipasaun inkluzivu ba eleisaun munisipál iha Estadu Direitu Demokrátiku” ba eleisaun Munisipál.
“Atividade Edukasaun sívika parte ida atu fó hanoin ba ita, oinsá bele moris hamutuk katak husi kór oinoin hodi deside ida atubele serbí ita, relasiona implementasaun desentralizasaun administrativa no podér lokál,” Komisáriu CNE Destakadu Munisípiu Aileu no Kovalima, Elvino Bonaparte do Rego, iha salaun UNPAZ Ramu Kovalima.
Partidu polítiku (Parpol) sira hala’o kampaña polítiku sidadaun hotu iha direitu atu tuir kampaña hodi rona programa husi partidu polítiku sira ne’ebé hato’o liuhosi kampaña parpol ho nune’e bele foti desizaun atu hili.
“Ha’u la’ós hanorin ita-boot sira, maibé partilla de’it informasaun liuhosi programa edukasaun sívika kona-ba atu implementa desentralizasaun administrativa no podér lokál, presiza atu estuda, kria pás no armónia “ nia dehan.
Tuir planu iha Loron 16 Setembru ne’e, Komisáriu destakadu munisípiu Aileu no no Kovalima kontinua hala’o edukasaun sívika ba alunu sira ensinu sekundáriu Jerál iha Zumalai
Reprezenta Prezidente Autoridade Munisípiu Kovalima, Afonso Nogueira Nahak, dehan, presiza atu rona informasaun ho didi’ak nune’e kontinua partilla informasaun ba sosiedade sira kona-ba eleisaun munisipál
“Ohin ita atu rona didi’ak edukasaun sívika, tanba eleisaun oinoin de’it mak hanesan eleisaun suku, eleisaun prezidensiál no iha eleisaun iha ita-nia Kovalima hodi sidadaun ne’ebé atu lidera Kovalima,” nia fó hanoin.
Autoridade Kovalima husu estudante husu universitáriu no ensinu sekundáriu atu rona didi’ak informasaun tanba tinan oin Kovalima tama iha avaliasaun kondisaun mínimu atu kovalima tama iha eleisaun Kámara Munisipàl ou lae, tanba ne’e Kovalima-oan presiza hamutuk.
“Edukasaun sívika hanesan programa di’ak ba ita hotu, espesiál ba joven-sira atu hatene hodi prepara-aan ba futuru,” nia fó hanoin.
Diretór UNPAZ Ramu Kovalima, Silvestre Ferreira Godinho Moniz, aprezenta CNE liga ba tema promove partisipasaun inkluzaun ba eleisaun munisípiu iha Estadu Direitu Demokrátiku
“ UNPAZ loke dalan ba ema hotu servisu hamutuk hodi lori Kovalima ba oin, ohin hala’o atividade edukasaun sívika ho nune’e ha’u apresia ba programa CNE,” nia dehan.
Atividade edukasaun sívika momentu importante ko’alia kona-ba podér lokál ne’e servisu boot tebes sidadaun hotu iha Kovalima tanba presiza fiar malu.
Jornalista: Celestina Teles
Editór: Evaristo Soares Martins
