KOVALIMA, 24 Setembru 2025 (TATOLI)- Servisu Munisipál Edukasaun Kovalima liuhusi Departamentu Dezenvolvimentu Parte Eskolár, Dadaun ne’e rejista ona estudante finalista na’in- 2,720 maka sei tuir ezame nasionál iha loron 20 Outobru ne’e.
“Ita finaliza ona halo preparasaun atu hasoru ezame nasionál, tanba eskola-sira dadaun-ne’e forma ona komisaun hodi hein atu realiza ezame nasionál ba estudante finalista tinan akademiku 2025 hamutuk na’in-2.720 ”, Xefe Departamentu Dezenvolvimentu Parke Eskolár, Benedictos Asa, relata dadus-ne’e ba TATOLI iha Edukasaun Kovalima Santa-Rosa.
Estudante finalista ne’ebé maka atu tuir ezame nasionál haree ba valór periódikamentu husi periódu rua mak hanesan ezame priódu ba dahuluk no ezame periódu ba daruak prenxe iha kaderneta iha kada eskola sira .
Tuir identifikasaun estudante finalista na’in- 30 iha munisipiu referedu seidauk iha valór ezame dahuluk no daruak.
“Maske, ita identifika ona, desizaun depende ba Ministériu Edukasaun, nune’e ita hein tanba estudante finalista sira seidauk simu kartaun atu tuir ezame nasionál”, nia afirma.
Totál alunu finalista ne’ebé mak tuir ezame nasionál iha loron 20 Outobru husi munisípiu Kovalima hamutuk 2,720 kompostu husi Ensinu Báziku 24 hamutuk 1.353, Ensinu Sekundáriu neen hamutuk 1.267 no Ensinu tékniku Vokasionál tolu hamutuk 100
Jornalsta: Celestina Teles
Editór:Florencio Miranda Ximenes
