SEAK realiza kulturál ba dame ho rekonsiliasaun iha festivál fronteira 2025
KOVALIMA ,07 Outobru 2025 (TATOLI)- Eventu festivál fronteira 2025 ba datoluk ne’ebé maka hala’o iha munisípiu Kovalima ne’e, organiza husi Ministériu Juventude Desportu Arte no Kultura (MJDAK), Centru Nasionál Chega! Institutu Públiku (CNC,I.P) no Sekretáriu Estadu Arte no Kultura (SEAK), nune’e atividade ne’ebé maka organiza hanesan performa kulturál no produsaun konjunta, kontiudu istória no kultura liuhusi obra arte sira.
“Ita organiza malu aprezenta dansa kulturál no atividade sira entre munisípiu Kovalima, Bobonaru no RAEO inklui mós husi nasaun viziñu Indonézia mós hodi hatudu sira-nia dansa kulturál”, Prezidente Komisaun Organizadora eventu festival Fronteira, Miguel Armada Cardoso, relata ba jornalista iha AMC.
Atividade lima ne’ebé SEAK hala’o atu demostra iha eventu festivál fronteira ba datoluk iha munisípiu Kovalima maka hanesan, konsertu múzika husi Timor-Leste no Indonézia, Sound spermental mistura ho teatru (music theatrical) no projection, dansa kultura husi munisípiu fronteira Timor-leste no Indonézia, kareografi ka dansa kontemporaniu ho tema rekonsiliasaun no dame no atividade Street art (mural painting) kolaborasaun komunidade arte husi Timor-Leste no Indonézia halo kampaña ba dame ho rekonsiliasaun liuhusi ilustrasaun grafik iha dalan.
Atividade aprezentasaun dansa kultura husi munisípiu Kovalima ne’e postu administrativu ne’ebé pertensa ba munisípiu Kovalima ida-idak sei aprezenta dansa kultura iha eventu festival fronteira 2025 iha munisípiu Kovalima
Eventu festivál fronteira 2025 iha Kovalima la’os husi Sekretáriu Estadu Arte no Kultura de’it maka hala’o atividade maibé mós husi Centru Nasionál Chega Institutu Públiku (CNC,I.P) hala’o atividade diálogu kultural ba rekonsiliasaun no semináriu.
Atividade ne’ebé maka organiza husi Ministériu Juventude Desportu Arte no Kultura (MJDAK) foku hala’o kompetisaun desportu husi munisípiu sira hanesan Bobonaro, RAEOA ho Kovalima ne’ebé ho madalide hanesan futebol, Volleibol, basket ,fudsal, atletismu no kurrida Kavalu .
Jornalista:Celestina Teles
Editór:Florencio Miranda Ximenes
