UNICEF – DIFAT entrega vasina Pfizer liu rihun-lima ba INFPM
DILI, 25 setembru 2025 (TATOLI) – Fundu Nasaun Unida ba Labarik (UNICEF, sigla inglés), hamutuk ho Governu Austrália liuhusi Departamentu Negósiu Estranjeiru (DFAT, sigla inglés), fornese ona vasina Pfizer liu rihun-lima ba Institutu Nasionál Farmásia no Produtu Médiku (INFPM).
“Dezde inísiu, ami fornese ona ai-moruk sira iha karregamentu dahuluk ho doze 21.000 hosi vasina AstraZeneca iha loron 05 fulan-abríl tinan 2021, no ohin iha karregamentu ikus liuhusi doze Pfizer rihun lima liuhosi inisiativa Gavi Vaccine Alliance,” Reprezentante UNICEF iha Timor-Leste, Patriza DiGiovanni informa, ba jornalista sira iha INFPM, ohin.
Nia relata katak, Austrália sai nafatin doadór bilaterál boot liu husi vasina COVID-19 bá Timor-Leste to’o ohin loron.
Responsável UNICEF ne’e fó-sai katak, antes ne’e, Governu Austrália fó ona vasina AstraZeneca liu doze 777.000 hodi apoia kampaña nasionál vasinasaun COVID-19 no habelar kobertura ba ema adultu hotu-hotu ho idade 17 ba leten.
“Iha tinan 2024,Timor-Leste hetan kobertura liu 90% ho doze dahuluk, liu 80% ho doze daruak, no 36% ho doze reforsu ida de’it entre populasaun alvu ho tinan 12 ba leten ,” nia hatutan.
Responsável ne’e relata katak Governu australianu fó fiar ona ba UNICEF ho vasina Pfizer, ne’ebé inklui mós ingrediente neen: amoxisilina, parasetamol, estesólidu, enalapril, idrokortizona no seluk tan.
Konselleira ba Dezenvolvimentu Umanu iha DIFAT, promete atu serbisu hamutuk ho Ministériu Saúde hodi apoia kualidade kuidadu saúde primária iha Timor-Leste.
“Ita hotu hatene katak kuidadu saúde primáriu iha kualidade aas, maibé la’ós ida-ne’e de’it, maibé servisu saúde iha rai-laran hetan dezafiu hosi rekursu sira-ne’ebé ita iha,” Lisa Hannigan hateten.
Nune’e, Diretora Ezekutiva INFPM, Paulina Mendonça, agradese ba Governu Austrália nia apoia ba ai-moruk sira-ne’e mai TL.
“Ami agradese ba parseiru sira tanba hatudu parséria ida solidariedade nian no kompromisu promove saúde di’ak ba timoroan sira,” Paulina konklui.
Notisia relevante: Infografia: Labarik idade 12 to’o 17 simu vasina Pfizer doze dahuluk hamutuk 43.760
Jornalista : Felicidade Ximenes
Editór: Evaristo Soares Martins
