Autoridade Kovalima planeia implementa projetu PDIM 12 iha tinan oin
KOVALIMA, 26 Setembru 2025 (TATOLI)- Autoridade Munisípiu Kovalima (AMK) , liuhusi Planu Dezenvolvimentu Integradu Munisipál (PDIM) planeia implementa projetu Planu Integradu Munisipál (PDIM) hamutuk 12 iha tinan 2026.
“ Tinan oin, ita implementa projetu hamutuk 12 . Husi projetu 12 ne’e inklui ho projetu reaproriasaun ida ne’ebé halo konstrusaun Sentru Saúde no rezidénsia médiku iha postu Administrativu Fatumea, tanba ita la garante tinan-ne’e konstruisaun bele finaliza tanba foin atinje 75%”, Diretór Servisu Munisipál Planiamentu Integradu no Dezenvolvimentu, Carlito Barros dos Reis, relata dadus ne’e ba TATOLI iha nia servisu fatin AMC.
Projetu PDIM ne’e foku liuba iha setór sira hanesan setór agrikultura, Saúde, konstruisaun mini merkadu no halo konstrusaun baleta sira iha Postu Administrativu Tilomar, Fatululik, Zumalai, Suai no Maucatar.
Implementa projetu iha setór agrikultura foku ba konstrusaun edifísiu servisu munisípiu Agrikultura no konstrui irrigasaun mota Tafara iha Tilomar ho konstrusaun mini merkadu iha postu administrativu Fatululik ida no Fohorem ida. Aleinde mós iha projetu reablitasaun estrada foku konstrusaun baleta iha postu Suai.
Ho totál projetu 11 inklui ho projetu reapropriasaun ida-ne’e, ho orsamentu hamutuk $2.111, 464. Orsamentu ne’e fiksu ona hein aprezenta iha Parlamentu Nasionál (PN) atu halo debate hodi hetan aprovasaun husi PN.
Fó hanoin fali katak, iha 2025 Autoridade Kovalima implementa projetu PDIM iha setór saúde no setór agrikultura hamutuk projetu tolu ne’ebé ho nia orsamentu hamutuk rihun $7,11.
Notísia relevante: Autoridade Kovalima prioriza projetu PDIM 2025 iha setór saúde no Agrikultura
Jornalsta: Celestina Teles
Editór:Florencio Miranda Ximenes
