Eskola EBC Suai Loro laiha kondisaun hodi fasilita prosesu aprendijazen
KOVALIMA, 26 Setembru 2025 (TATOLI)- Kondisaun saladeaula ne’en iha eskola Bázika Centrál (EBC), Suai Loro, daudaun , ladun favoravél ona ba alunu-sira uza hodi hala’o prosesu aprendijazen .
“Kondisaun eskola iha EBC Suai Loro iha saladeaula neen ladun favoravél ona tanba kondisaun eskola didin sira nafera, plafon sira aat no kondisaun uma atu monu. Durante ne’e, ami obriga aan de’it uza saladeaula neen tanba eskola Bázika Centrál Suai nia saladeaula la sufisente, nune’e ami nafatin uza se la uza alunu laiha saladeuala atu tuir prosesu aprendijazen”, Diretór EBC Suai Loro, Fernando António, dehan ba jornalista-sira iha EBC Suai loro.
Tuir loloos eskola referidu atu sobu ona, maibé bainhira sobu laiha ona saladeuala ba alunu sira atu tuir prosesu aprendijazen no dadaun ne’e besik atu tama ona ezame nasionál no ezeme periódu ba datoluk.
Totál alunu-sira iha EBC suai loro hamutuk 645-resin ne’ebé prosesu aprendijazen fahe ba turnu dader no turnu lorokoraik ho totál saladeuala hamutuk 11 ho nia profesór hamutuk 30 husi númeru ne’e profesór 12 hanorin turnu dader no profesór lorokoraik 15 ho sira ne’ebé servisu administrasaun na’in-tolu.
Ho problema ne’ebé maka eskola enfrenta hanesan dirijente iha responsabilidade relata ona ba servisu munisipál edukasaun Kovalima,maibé to’o ohin loron seidauk iha rezultadu.
Responde kestaun ne’e, Xefe Departamentu Dezenvolvimentu Parke Eskolár Edukasaun Kovalima, Benedicto Asa klarifika bazeia informasaun ne’ebé maka edukasaun asesu dirijente sira atu sobu ona maibé seidauk sobu.
“ Bazeia informasaun katak derijente sira atu sobu ona eskola ne’e maka nia kondisaun favoravél tanba kondisaun eskola atu monu nune’e labele fó impaktu ba alunu sira”, nia esplika.
Jornalsta: Celestina Teles
Editór:Florencio Miranda Ximenes
