VIKEKE, 26 Setembru 2025 (TATOLI)—Organizasun Naun Governamentál Toos ba Moris D’ak (TOMAK) servisu hamutuk ho Ministériu Agrikultura Peska, Pekuária no Floresta (MAPFF) Munisípiu Vikeke liuhusi Departamentu Veternária vasina komunidade nia manu lokál hamutuk 11.292 iha Munisípiu Vikeke.
Reprezentante TOMAK, Bendito Amaral haktuir tinan 2025 TOMAK servisu hamutuk ho veterináriu hala’o programa ida mak halo vasinasaun ba komunidade nia manu lokál. Kada tinan fó vasina dala tolu.
“Tinan ida ami vasina dala tolu hodi evita manu moras. Programa vasina ne’e implementa iha suku 36 husi postu administrativu lima,” Bendito Amaral hateten ba TATOLI iha Postu Vikeke Vila, Sesta ne’e.
Bendito relata prosesu vasinasaun ne’e veternária sira mak la’o tuir kada suku sira-ne’ebé eziste iha Munisípiu Vikeke.
Nia haktuir katak dezafiu ne’ebé veternária sira hasoru mak haki’ak-na’in balun lakohi oferese sira-nia manu lokál hodi fó vasinasaun tanba sira okupadu ba atividade sira seluk.
Tuir dadus, manu lokál 11.292 ne’e maihusi haki’ak na’in hamutuk 208 husi suku 36 iha Munisípiu Vikeke.
Jornalista: Vitorino Lopez da Costa
Editór: Xisto Freitas da Piedade
