Gabinete PR sosializa dokumentu Fraternidade Umana ba prezu sira iha prizaun Suai
KOVALIMA, 29 Setembru 2025 (TATOLI)- Gabinete Prezidensiál Repúblika sosializa dokumentu fraternidade umana ba prezu sira iha estabelesimentu prizaun Suai, Munisípiu Kovalima.
“Mai iha Kovalima atu sosializa informasaun kona-bá dokumentu fraternidade umana ba iha postu administrativu liuliu mai ita-nia prezu sira iha estabelesimentu prizaun Suai”, Asesór Gabinete Prezidensiál ba asuntu Fraternidade Umana, Nuno Horta, dehan ba jornalista sira iha prizasaun Suai, ohin.
Objetivu husi sosializa informasaun ida-ne’e atu fó hanoin ba prezu-sira kona-bá saida maka dokumentu Fraternidade umana hakarak ko’alia ba ema hotu inklui ba prezu, atu hafoin remata sira-nia pena iha ona bukae hodi hanoin umanidade.
Iha fatin hanesan, Diretór Nasionál Prizaun Díli, Delvio Soares Alves, reforsa katak atividade sosializa dokumentu fraternidade umana ne’e importante oinsá atu hasa’e prezu sira-nia konsénsia hodi bele hakribii hahalok ne’ebé iha pasadu.
“Mezmu munisípiu Kovalima dook maibé ita-boot sira konsege mai iha ne’e hodi partilla informasaun ne’ebé foun ba ami kona-ba dokumentu nasionál hodi bele reforsa ami hodi guia ami ba ami-nia maluk sira bele iha konsénsia nune’e bele hakribi hahalok iha pasadu”, nia agradese.
Entretantu, Diretór Estabelesimentu Prizaun Suai, Rui Gonçalves, hato’o agradese ba gabinete Prezidensial Repúblika hodi hala’o sosializasaun informasaun foun hanesan kona-ba dokumentu fraternidade umana.
Ho atividade sosializasaun ne’e bele tau iha hanoin baihira livre husi prizaun kontinua atu fahe tutan informasaun ne’ebé maka prezu sira hetan iha prizaun hetan ba iha sosiedade hodi tane aas valor umanidade.
Tuir dadus prezu sira iha estabelesementu Prizaun Suai hamutuk 121 kompostu husi prezu ne’ebé maka prizaun preventiva hamutuk na’in-16, prezu ne’ebé maka kondenadu na’in-105.
Jornalsta: Celestina Teles
Editór:Florencio Miranda Ximenes
