TR koloka ona juis estajiáriu na’in-12 bá Tribunál Primeira Instánsia haat

DILI, 29 setembru 2025 (TATOLI) – Prezidente Tribunál Rekursu (PTR), Afonso Carmona, hateten, Tribunál Rekursu koloka ona juiz estajiáriu na’in-12 ne’ebé simu ona pose ba Tribunál Primeira Instásia haat; Dili, Baukau, Suai no Óe-kuse atu hahú halo sira-nia funsaun hanesan juis estrajiáriu hodi reforsa serbisu Tribunál nian.

“Sira ida foun ne’e hamutuk na’in-12, ita halo kolokasaun hotu tiha ona, na’in-neen iha Tribunál Primeira Instánsia Dili, na’in-rua iha Baukau, na’in-rua iha Suai no na’in rua iha Óe-kuse,” Carmona, ko’alia Kakikoli, segunda ne’e.

Carmona esplika, durante fulan-neen sei halo rotasaun, katak husi Dili sei ba fali múnisipiu no ba sira na’in-neen ne’ebé munisipiu sei muda mai mai Dili hodi haree sira-nia dezempeñu serbisu.

“Sira sei halo rotasaun iha fulan-neen, na’in-neen ne’ebé agora iha Dili sei ba munisípiu inklui sira-ne’ebé mak agora iha munisípiu sei mai Dili,” nia katak.

Nia dehan, ba juiz estajiáriu na’in-neen ne’ebé daudaun ne’e destaka ona ba Tribunál Primeira Dili no na’in neen ne’ebé mak destaka ona ba munisipiu só konsellu mak iha kompeténsia atu haree sira-nia dezempeñu atu sa’e ba juiz karreira ne’e depende ba konselllu nia avalisaun.

Jornalista: Natalino Costa

Editór: Evaristo Soares Martins