Abríl-Setembru, AMD kontribui reseita estasionamentu $30.000 ba kofre Estadu
DILI, 02 Outubru 2025 (TATOLI)–Autoridade Munisípiu Dili (AMD) husi Abríl-Setembru tinan ne’e rekolla orsamentu husi estasionamentu nian $30.000 ba kofre Estadu.
“Orsamentu estasionamentu nian iha territóriu Dili hahú iha 01 fulan-Abríl to’o Setembru rekolla $30.000,” Prezidente Autoridade Munisípiu Dili, Francisco dos Santos ba TATOLI, iha nia kna’ar fatin, Matadouru, Kinta ne’e.
Nia haktuir, husi Janeiru-Marsu laiha reseita tanba foin prodús billete iha Marsu nia laran.
Francisco dehan zona estasionamentu iha kapitál kompostu Taibessi, Kuluhun, Audian, Kolmera no seluk tan, maibé PAM Dili planu estabelese tan ba fatin ne’ebé iha edifísiu Governu nian.
Francisco dos Santos hatutan, instalasaun estasionamentu ne’ebé hahú dezde tinan 2017 to’o ohin loron halibur ona $250.000.
Jornalista: Osória Marques
Editór: Xisto Freitas da Piedade
