KOVALIMA, 02 Outubru 2025 (TATOLI)- Konfederasaun Desportiva Munisípiu Kovalima, rejista atleta husi modalidade lima no preparadu ona atu kompete jogu desportiva iha eventu festivál Fronteira 2025, iha munisípiu Kovalima.
Komisaun rejista atleta husi modalidade lima maka futeból mane, futsal feto,basket mane, volli feto,atletizmu ho kilometru 7 no ba mane kilometru 10 no kurridade Kavalu ba klase B no C.
“Ami halo ona prepasaun ho asosiasaun neen ne’ebé atu partisipa eventu festivál fronteira preparasaun ba dahuluk ami halo asesmentu ba kampu iha modalidade lima no preparadu ona atu kompete”, Prezidente Interinu Konfederasaun Desportu Munisípiu Kovalima, Almerio Gusmão, relata ba TATOLI iha kampung Baru, ohin.
KDM Kovalima halo rejista atleta sira tuir ida-idak nia modalidade hanesan modalidade volly ho nia jogadór minimu na’in-12 no modalidade sira seluk tuir regra .
Atividade desprotiva sira sei uza kampu sira hanesan, modalidade basket no volli uza kampu iha eskola Sekundária Jerál Públiku Suai, modalidade futsál sei uza kampu futsál PNTL no modalidade volli uza kampu iha postu administrativu Tilomar no kurida kavalu iha kampu Suai-Loro.
Tuir planu desportu ho modalide neen ne’ebé maka atu partisipasaun iha kompetisaun eventu festivál fronteira 2025 iha munisípiu Kovalima abertura iha loron 6 Outobru ne’ebé sei remata iha loron 11 Outobru.
Festivál Fronteira 2025 iha munisípiu Kovalima nia orsamentu mai husi Sekretáriu Estadu Arte no Kultura, Ministériu Juventude Desportu, Arte no Kultura (MJDAK) no mós husi Centru Nasionál Chega! hamutuk $216.414. 00
Jornalista:Celestina Teles
Editór:Florencio Miranda Ximenes
