DILI, 07 Outubru 2025 (TATOLI)- Ministru Kultura Indonézia, Fadli Zon, iha ámbitu audiénsia ho Prezidente Parlamentu Nasionál Timor-Leste, Maria Fernanda Lay, hateten Governu indonéziu hakarak serbisu hamutuk ho Timor-Leste hodi troka esperiénsia kulturál.
Tanba ne’e, liuhusi ministru Fadli nia prezensa ne’e hodi hato’o atividade ne’ebé hakarak atu promove, liuliu kultura Indonézia nian hanesan lian, literasia, filme, mod no gastronomia.
“Indonézia hakarak serbisu hamutuk ho Timor-Leste hodi troka esperiénsia kona-ba kultura”, nia reitera iha Parlamentu Nasionál, ohin.
Tanba Timor-Leste ho Indonézia iha relasaun di’ak tebes, liuliu Parlamentu Nasionál no Governu. Ministru indonéziu ne’e mós agradese ba kolaborasaun no salienta katak Indonézia harii ona muzeu ida kona-ba promove kultura entre país rua, nune’e bele hametin relasaun iha área referida.
Audiénsia ne’e akompaña husi Embaxadór Indonézia iha Timor-Leste, Okto Dorinus Manik, iha Parlamentu, ohin.
Jornalista: Nelson de Sousa
Editora: Maria Auxiliadora
