AINARU, 13 Outubru 2025 (TATOLI) – Sekretáriu Estadu Komunikasaun Sosiál, Expedito Días Ximenes, fó-sai katak, mídia lokál no nasionál hola papél importante atu akompaña no transmite informasaun kona-ba prosesu implementasaun podér lokál no desentralizasaun administrativa.
Sekretáriu Estadu Komunikasaun Sosial, Expedito Loro Dias Ximene, ko’alia asuntu ne’e programa Tatoli Hakbesik, hamutuk ho Prezidente Autoridade Munisípiu Ainaru, Aileu, Manufahi no Kovalima, iha Pouzada Maubisse.
“Husi nee objetivu mídia sira-ne’ebé korrespondente iha munisipoiu neé atu halo saída, sira atu sai sensibilizador, sai misionáriu no sai mensajeiru bele lori informasaun husi munisípiu ba sentral,” nia informa iha Talk Show programa Tatoli Hakbesik.
Nia hatutan, rádiu komunidade sira daudaun ne’e iha nível territóriu hamutuk 28 no iha tinan ne’e sira aumenta tan rádiu komunidade rua, ida iha munisípiu Manatutu, postu administrativa Laklubar no ida seluk estabelese iha munisípiu Bobonaro, postu administrativu Balibó.
“Ko’alia kona-ba dezenvolvimentu relasiona ho polítiku Governu iha administrasaun lokál nian, daudaun ne’e nonu governu liuhusi Serkretariu Estadu Komunikasaun Sosial iha kompromisu boot atu apoiu podér lokál no desentralizasaun,” nia dehan.
Gobernante ne’e informa, mídia estatál nian hanesan Rádiu Televizaun Timor-Leste no Ajénsia Notisioza TATOLI, hamtuk ho rádiu komunidade sira iha munisipiu atu tulun governu hodi hato’o informasaun munisípiu nia ba Governu Sentrál.
“Oras nee daudaun programa Nonu Govenu nian liuhusi Sekretáriu Estadu Komunikasaun Sosiál nian mak ita bolu dehan korrespondénsia, reprezentasaun jornalista iha munisipiu hotu-hotu, agora daudaun korrespondente RTTL ho Tatoli iha munisipiu ho objetivu objetivu ida atu sai sensibilizador no sai mensajeru bele lori informasaun ba Povu,” nia informa.
Expedito rekoñese daudaun ne’e mídia Tatoli IP nia jornalista seidauk kobre iha munisipiu hotu, maibé sei iha pasu rekrutamentu atubele fó apoia infomasaun.
Jornalista: Ivonia da Silva
Editór: Evaristo Soares Martins
