Autoridade Kovalima ezekuta ona OJE 2025 ho pursentu 76
KOVALIMA ,14 Outobru 2025 (TATOLI) – Hahú Janeiru to’o Outobru ne’e, Autoridade Kovalima liuhusi Servisu Munisipál finansa, ezekuta ona orsamentál 2025 ho 76% ne’ebe Governu sentrál alokadu hamutuk $8,293.634.00.
Diretora Servisu Munisipál Finansa, Rozita Semei Freitas, relata OJE 2025 prevee ba Kovalima iha kategória lima foin ezekuta kategória haat hanesan saláriu no vensimentu $2,695.827 ezekuta ona (64,6%) , bens no servisu $ 841.730 (ezekuta ona 77,2%), Tranferénsia Públika 3,756.158 (ezekuta ona 84,7%), kapitál Dezenvolvimentu $846.874.00 (ezekuta ona 87,6% no Kapitál menór $ 153.000.00 nia ezekusaun la’o hela nia prosesu iha aprovizionamentu.
“Ezekusaun Orsamentu Jerál Estadu (OJE) 2025 ne’e ita-nia ezekusaun daudaun ne’e ita atije ona 76%, tanba bazeia regra ezekutasaun kada trimesterál ita atinje 25%”, dehan nian ba TATOLI iha AMC.
Razaun ezekusaun orsamentu kategória kapitál menór (KP) daudaun sei iha prosesu tanba iha servisu munisipál aprovizionamentu, maibé Kovalima garante sei aselera ezekusaun kategória iha kapitál menór.
Fó hanoin fali katak, Orsamentu Jerál Estadu (OJE) 2024, Governu sentrál aloka mai Kovalima hamutuk $ 7.256.651 ne’ebé aloka ba kategoria lima hanesan , Saláriu no bensimentu (SB) $ 2.336.743, bens servisu no korenti (BS) $ 846.885 , tranferénsia públika (TP) $ 2.556.011, kapitál menór (KP) $ 166.820 no kapitál dezenvolvimentu (KP) $ 1.350.192.
Orsamentu 2024 ba Autoridade Covalima ne’e atu finánsia ba programa-13 sub-programa 31 ho atividade 74, tuir planu asaun anuál (PAA) munisipiu Kovalima ne’ebé apresenta husi kada Diresaun Servisu Munisipál sira.
Jornalista:Celestina Teles
Editór:Florencio Miransa Ximenes
