DILI, 15 Outubru 2025 (TATOLI)- Amito Qonusere Araújo sai manán na’in Prémiu Liberdade Expresaun Max Stahl ba tinan 2025.
Tuir nota imprensa ne’ebé Ajénsia Tatoli asesu husi mídia Parlamentu Nasionál (PN), ohin katak liuhusi despaxu númeru 78/VI (3a) 2025/PPN Atribuisaun Prémiu Liberdade Expresaun Max Stahl.
PN nu’udar órgaun Estadu no instituisaun sentrál demokrasia no lejítimu reprezenta sidadaun hotu, ezerse funsaun lejizlativa no fiskalizasaun no desizaun polítika, kompete mós kumprimentu Konstituisaun no lei sira, hanesan asegura respeitu husi direitu fundamentál sidadaun.
Konsidera importánsia liberdade expresaun nu’udar garantia esensiál dignidade ema umanu nu’udar pilár fundamentál estrutura demokrátika Estadu, no rekoñese méritu sidadaun nasionál no estranjeiru, organizasaun sosiedade sívil no entidade sira seluk, ba serbisu individuál no organizasaun ou koletivu, hanesan natureza jornalístika, literária, sientífika ou audivizual.
Destaka área ne’e Parlamentu institui liuhusi rezolsaun númeru 25/2021, 01 Dezembru, Prémiu Liberdade Expresaun Max Stahl.
Konklui prosedimentu sira relativu atribuisaun prémiu ba tinan 2025 tuir termu regulamentu atribuisaun prémiu aprova husi rezolusaun PN númeru 21/2024, 17 Jullu, kumprimentu dispozisaun prevista iha artigu 6 no tuir referidu regulamentu prosede selesaun vensedór.
“Nune’e rekoñese importante Konstituisaun prestadu iha defeza direitu fundamentál iha prezervasaun memória luta rezisténsia povu timoroan no istória Timor-Leste, hanesan protesaun ba liberdade expresaun, deside tuir abrigu expostu iha artigu 9 regulamentu atribuisaun prémiu, nune’e atribui Prémiu Liberdade Expresaun Max Stahl refere ba tinan 2025 ba Amito Qenusere Araújo”, refere nota.
Determina divulgasaun prezente despasu liuhusi mei previstu iha artigu 10 iha regulamentu prémiu referidu.
Ho ida ne’e PN públika iha loron 14 Outubru ne’ebé abaixu asinadu husi Prezidente Parlamentu Nasionál, Maria Fernanda Lay.
Jornalista: Nelson de Sousa
Editór: Evaristo Soares Martins
