Servisu Saúde Kovalima planeia implementa programa prinsipál hitu
KOVALIMA, 16 Outubru 2025 ( TATOLI)- Diretór Servisu Munisipál Saúde (SMS) Kovalima, Domingos Sequeira, kinta-ne’e, aprezenta implementasaun programa prinsipál hitu liuhusi atividade semináriu dalan ba podér lokál ne’ebé organiza husi Ministériu Administrasaun Estatál (MAE).
Implementasaun programa prinsipál ne’e maka hanesan, introdusaun, vizasaun jerál kona-bá kompeténsia, prontidaun instituisionál, mapamentu fasilidade, mapamentu rekursu umanu, investáriu transporte kada fasilidade saúde, partisipasaun komunidade, koordenasaun nasionál, konstrajiamentu no estratéjia, progresu atinjimentu ezekusaun atividade 2025.
“ Ha’u nia introdusaun hodi ko’alia kona-bá baze legál, norma no konstituisionál ne’ebé iha artigu 57 konstituisaun RDTL kona-ba ema hotu iha direitu ba saúde no asisténsia médika sanitária”,Dirijente Saúde Domingos Sequiera , aprezenta iha salaun AMC.
Baze legál dekretu-lei númeru 84/2023, iha loron 23 Novembru konsiste iha númeru 5, alterasuan ba dekretu-lei númeru 3/2016 ,16 Dezembru 2016. Diploma ministerial númeru 85/2023, loron 29 Dezembru estabelesimentu servisu autoridade munisípiu no definisaun kona-bá organizasaun no operasaun.
Iha baze legál kompeténsia delegadu Servisu saúde munisípiu Kovalima ne’ebé prevee orsamentu ba administrasaun lojistika,infraestrutura pretasaun kuidadu primáriu saúde ,vijilánsia sanitária ,kuidadu primáriu kurativu no saúde na família.
Servisu saúde munisipál mak servisu autoridade ne’ebé nia orientasaun husi prezidente autoridade munisipál no administradór nia misaun atu asegura aplikasaun lejislasaun no ezekusaun polítika públika no progarama Governu iha área saúde.
Bazeia ba mapamentu fasilidade saúde iha Kovalima hamutuk 31, sentru saúde komunitáriu (SSK) hitu, postu saúde 24, sisca 15, Mobile klinika hamutuk 22 ,klinika privadu 2 no mos ospitál referál ida.
Tuir estandarizasaun fasilidade saúde PENSS 2011-2030 katak fasilidade hamutuk 22 maka la tuir estanrizasaun PENSS 2011-2030 tanba edifísiu hirak ne’e konstrui iha okupasaun indonézia maka sentru saúde komunitária neen,postu saúde 16.
Totál funsionáriu ne’ebé maka presta servisu iha autoridade munisipál saúde hamutuk 350, kompostu husi permanente 173 no kontratadu 177 ne’ebé balun presta servisu iha servisu saúde Kovalima no iha sentru saúde sira.
Jornalista:Celestina Teles
Editór:Florencio Miransa Ximenes
