DILI, 20 Outubru 2025 (TATOLI)—Ministériu Públiku (MP) iha tinan oin sei fó prioridade ba rekrutamentu Prokuradór na’in-neen, ne’ebé sei destaka iha Supremu Tribunál Justisa hodi halo funsaun hanesan Prokuradór Rekursu.
MP nia totál orsamentu agregadu ba tinan 2026 nian ho montante $7.34000.119.
“Husi orsamentu ne’e Ministériu Públiku prioridade ba tinan oin mak atu halo rekrutamentu ba rekursu Prokuradór Rekursu na’in-neen ne’ebé sei tuur iha Supremu Tribunál Justisa,” Prokuradór Jerál Repúblika, Nelson de Carvalho hateten iha Parlamentu Nasionál, Segunda ne’e.
Notísia relevante : PGR: investigasaun ba kazu Ró Haksolok atinje ona 70%
Bazeia ba polítika Governu, tinan oin sei estabelese Supremu Tribunál Justisa, tanba ne’e presiza iha Prokuradór Rekursu atu halo funsaun.
MP mós husu adisionál millaun $1 atu halo morru protesaun ba armazein.
Jornalista : Natalino Costa
Editora : Julia Chatarina
